Ժոզե Մոուրինյոյի խորհուրդը՝ Ռաֆայել Բենիտեսի կնոջը
14:25 29 հուլիսի, 2015Լոնդոնի «Չելսիի» պորտուգալացի գլխավոր մարզիչ Ժոզե Մոուրինյոն «Ռեալի» իսպանացի գլխավոր մարզիչ Ռաֆայել Բենիտեսի կնոջը խորհուրդ է տվել իրեն քննադատելու փոխարեն հետեւել ամուսնու դիետային:
2010-ին Բենիտեսը Մոուրինյոյին փոպարինեց իտալական «Ինտերում», հետագայում Բենիտեսը աշխատեց «Չելսիում», այժմ էլ՝ «Ռեալում»: Երկու ակումբներում էլ նրանից առաջ աշխատել է Մոուրինյոն: Հարցազրույցներից մեկում Բենիտեսի կինն ասել է, որ «իր ամուսինն ամեն անգամ ստիպված է լինում կարգի բերել Մոուրինյոյից հետո մնացած ավերակները»:
«Նա պետք է մի բանով զբաղվի: Եթե հետեւի ամուսնու դիետային, ապա իմ աշխատանքը քննարկելու ժամանակ չի ունենա: Իսկ Բենիտեսն ինձնից հետո «Ինտերում» կես տարում փլուզեց Եվրոպայի այն ժամանակվա լավագույն թիմը»,- Մոուրինյոյի խոսքը մեջբերում է dailymail-ը:
Իսպանական մամուլի տվյալներով, «Ռեալի» ղեկավարությունը Բենիտեսին խնդրել է ազատվել ավելորդ քաշից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։