Վան Գալ. Դե Խեան դեռ կարող է տեղափոխվել «Ռեալ»
10:51 28 հուլիսի, 2015«Մանչեսթեր Յունայթեդի» հոլանդացի գլխավոր մարզիչ Լուի վան Գալը հայտարարել է, որ արգենտինացի դարպասապահ Սերխիո Ռոմերոն կարող է համարժեք փոխարինել իսպանացի Դավիդ Դե Խեային, որին ցանկանում է ձեռք բերել Մադրիդի «Ռեալը»:
«Դե Խեան դեռ կարող է տեղափոխվել «Ռեալ», իսկ մեզ հարկավոր է պատրաստվել նոր մրցաշրջանին եւ արագ արձագանքել իրադրությանը: Կարծում եմ՝ Ռոմերոն կարող է դառնալ թիմի հիմնական դարպասապահ: Ես ճանաչում եմ նրան: Այդ տղան բնավորություն ունի: Վստահ եմ՝ ճիշտ ընտրություն ենք կատարել»,- Վան Գալի խոսքը մեջբերում է skysports-ը:
28-ամյա ֆուտբոլիստը «Մանչեսթեր Յունայթեդ» է տեղափոխվել անվճար: Անցած մրցաշրջանում Ռոմերոն հանդես էր գալիս իտալական «Սամպդորիայում», որի հետ նրա պայմանագիրն ավարտվել է անցած ամիս: Նախկինում Ռոմերոն հանդես է եկել արգենտինական «Ռասինգում», հոլանդական «ԱԶ Ալկմարում» եւ «Մոնակոյում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։