Հայաստանի շախմատի ֆեդերացիայի ղեկավար Սերժ Սարգսյանը հանդիպել է Բաքվում կայանալիք շախմատի աշխարհի գավաթի խաղարկության մասնակցության իրավունք նվաճած գրոսմայստերներ Լեւոն Արոնյանի, Հրանտ Մելքումյանի, Գաբրիել Սարգսյանի, Սամվել Տեր-Սահակյանի հետ եւ խորհուրդ է տվել մասնակցել այդ մրցաշարին, հաղորդում է Շախմատի միջազգային ֆեդերացիայի (ՖԻԴԵ) կայքը։
Հուլիսի 20-ին ՖԻԴԵ նախագահ Կիրսան Իլյումժինովը Շախմատի միջազգային օրվա կապակցությամբ Սերժ Սարգսյանի հետ ունեցել է հեռախոսազրույց, որի ժամանակ էլ Հայաստանի նախագահը հայտնել է իր դիրքորոշման մասին։
ՖԻԴԵ նախագահը Սերժ Սարգսյանին խոստացել է աջակցել աշխարհի գավաթի խաղարկությանը հայ շախմատիստների մասնակցության հետ կապված հարցերում։
Նույն թեմայով Կիրսան Իլյումժինովը զրուցել է նաեւ Ադրբեջանի սպորտի նախարար Ազադ Ռահիմովի հետ, որը երաշխավորել է մրցաշարի մասնակիցների անվտանգությունը։
Աշխարհի գավաթի խաղարկությունը Բաքվում կանցկացվի սեպտեմբերի 10-ից հոկտեմբերի 5-ը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։