Բռնցքամարտի Հաայաստանի հավաքականը Դավիթ Թորոսյանի գլխավորությամբ այս օրերին հավաք է անցկացնում Ծաղկաձորում:
Հավաքին մասնակցում են 21 բռնցքամարտիկներ, որոնցից ուժեղագույնները կմասնակցեն oգոստոսի 5-ից 16-ը Բուլղարիայում կայանալիք Եվրոպայի առաջնությանը:
Հավաքի ընթացքում մարզչական շտաբն ուշադրությունը կենտրոնացնելու է բռնցքամարտիկների ֆիզիկական եւ տեխնիկակատակտիկական որակները բարելավելու վրա: Հայաստանի թիմը հավաքը կավարտի հուլիսի 30-ին եւ մի քանի օր հանգստանալուց հետո կմեկնի Բուլղարիա:
Մրցաշրջան-2015-ը հայ բռնցքամարտիկների համար վարկանիշային է եւ Հայաստանի բռնցքամարտի ֆեդերացիան ամեն ինչ անում է, որպեսզի մարզիկները պատշաճ մակարդակով մասնակցեն բոլոր մրցաշարերին, փոխանցում են Հայաստանի բռնցքամարտի ֆեդերացիայից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։