Ֆրանսիայի նախագահը մեկնաբանել է Ժյուլ Բյանկիի մահվան լուրը
16:11 18 հուլիսի, 2015Ֆրանսիայի նախագահ Ֆրանսուա Օլանդը մեկնաբանել է Ֆորմուլա-1-ի ֆրանսիացի մրցարշավորդ Ժյուլ Բյանկիի մահվան լուրը:
«Մեծ տխրությամբ իմացա Ժյուլ Բյանկիի մահվան մասին: Ֆրանսիական սպորտը կորցրեց մեծ հույսերից մեկին»,- Թվիթերում գրել է Ֆրանսուա Օլանդը:
Ֆորմուլա-1-ի «Մարուսյա» թիմի ֆրանսիացի մրցարշավորդ Ժյուլ Բյանկին մահացել է Նիցայի հիվանդանոցներից մեկում:
2014թ. հոկտեմբերի 5-ին Ճապոնիայի Մեծ մրցանակի ժամանակ Բյանկին 43-րդ շրջանում բախվել էր գերմանացի Ադրիան Սուտիլի բոլիդը մրցուղուց հանող էվակուատորին: Բյանկին ստացել էր գլխի ծանր վնասվածք եւ կոմայի մեջ էր: Հուլիսի 17-ին Ժյուլ Բյանկիի ծննդյան 25-րդ տարեդարձն էր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։