Կասիլյասը համաձայնել է ցածր աշխատավարձով հանդես գալ «Պորտուում»

14:28   10 հուլիսի, 2015

Մադրիդի «Ռեալի» եւ Իսպանիայի հավաքականի դարպասապահ Իկեր Կասիլյասը համաձայնել է «Պորտուի» եւ Արքայական ակումբի պայմաններին եւ կարիերան կշարունակի Պորտուգալիայի առաջնությունում, հաղորդում է Marca-ն։

Կասիլյասը հրաժարվել է «Ռեալի» հետ պայմանագրով իրեն հասանելիք գումարից։ Պայմանագիրը նախատեսված էր մինչեւ 2017 թվականը։ Այդ ընթացքում Կասիլյասը պետք է ստանար 25 միլիոն եվրո՝ հարկերը չհանած։ 

Առաջիկա ժամերին դարպասապահը պետք է պայմանագիր կնքի պորտուգալական ակումբի հետ, իսկ «Ռեալին» եւ երկրպագուներին հրաժեշտ կտա հուլիսի 11-ին կայանալիք մամուլի ասուլիսի ժամանակ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։