Մատեո Դարմիանը կտեղափոխվի «Մանչեսթեր Յունայթեդ»

21:23   7 հուլիսի, 2015

«Մանչեսթեր Յունայթեդը» համաձայն է իտալական «Տորինոյի» պայմաններին եւ կիրականացնի Իտալիայի հավաքականի պաշտպան Մատեո Դարմիանի տրանսֆերը, հաղորդում է skysports-ը։

Անգլիական ակումբը 25-ամյա ֆուտբոլիստի համար կվճարի 20 միլիոն եվրո եւ կկնքի չորս տարվա պայմանագիր, որի կետերն արդեն համաձայնեցվել են։ «Տորինոն» մերժել էր 12 միլիոն եվրոյի նախնական առաջարկը։

Անցած մրցաշրջանում Դարմիանը մասնակցել է Իտալիայի առաջնության 33 հանդիպման, 28 անգամ եղել է «Տորինոյի» մեկնարկային կազմում եւ կատարել է երկու արդյունավետ փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։