Մադրիդի «Ռեալի» եւ Իսպանիայի հավաքականի պաշտպան Սերխիո Ռամոսը վերջնական որոշում է ընդունել հեռանալ թիմից, գրում է Marca-ն:
29-ամյա ֆուտբոլիստը ձգտում է փոփոխություն մտցնել կարիերայում եւ չի պատրաստվում զիջումների գնալ: Նա նաեւ մեղադրում է ակումբին իրեն շահամոլ ներկայացնելու համար: Ոչ պաշտոնական տվյալներով, ֆուտբոլիստն ակումբից պահանջել էր տարեկան 10 միլիոն եվրո աշխատավարձ:
Այդ ամենի հետեւանքով սրվել են Ռամոսի եւ «Ռեալի» նախագահ Ֆլորենտինո Պերեսի հարաբերությունները: Արքայական ակումբը ֆուտբոլիստի տրանսֆերի համար կպահանջի 100 միլիոն եվրո: Ռամոսին գնելու գլխավոր հավակնորդը «Մանչեսթեր Յունայթեդն» է, որը պատրաստ է իսպանացի խաղացողին հինգ տարվա համար վճարել 55 միլիոն եվրո աշխատավարձ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։