Շոտլանդական «Սենթ Ջոնսթոնի» գլխավոր մարզիչ Թոմի Ռայթը հետխաղյա ասուլիսում խոսեց Եվրոպայի լիգայի որակավորման առաջին փուլի առաջին խաղում Երեւանի «Ալաշկերտից» նվազագույն հաշվով կրած պարտության մասին:
«Շատ հիասթափված եմ արդյունքից, քանի որ ընդամենը 15 րոպե զիջեցինք մրցակցին: Մենք գիտենք, որ կարող ենք խաղալ ավելի լավ: Դիմակայությունը դեռ չի ավարտվել: Մենք ունենք հաղթելու հնարավորություն: «Ալաշկերտից» ակնկալում էի այսպիսի ագրեսիվ ու կոշտ ֆուտբոլ:
Չեմ կարծում, որ «Ալաշկերտը» կարող էր հաջողության հասնել, եթե հանդես գար Շոտլանդիայի առաջնությունում: Երեւանյան եղանակն ազդեց մեր խաղի վրա եւ առավելություն տվեց մեր մրցակցին: Եղանակի գործոնը զգալ տվեց»,- նշեց մարզիչը:
Հիշեցնենք, որ «Ալաշկերտի» եւ «Սենթ Ջոնսթոնի» միջեւ պատասխան հանդիպումը տեղի է ունենալու հուլիսի 9-ին Շոտլանդիայում: Երեւանյան խաղում հայկական ակումբը հաղթեց փոխարինման դուրս եկած Միհրան Մանասյանի գոլի շնորհիվ:
Դավիթ Եղիազարյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։