Եվրոպայի լիգա. «Շիրակը» հաղթեց Բուգուհիի դուբլի շնորհիվ

Գյումրիում կայացած ֆուտբոլի Եվրոպայի լիգայի որակավորման առաջին փուլի առաջին խաղում «Շիրակն» ընդունեց բոսնիական «Զրինսկիին» եւ առավելության հասավ 2։0 հաշվով։ Գյումրեցիներից դուբլի հեղինակ դարձավ կոտդիվուարցի Ժան-Ժակ Բուգուհին, որը Հայաստանի անցած առաջնությունում խփել էր 21 գոլ եւ լավագույն ռմբարկուի «Ոսկե խաղակոշիկը» կիսել էր Երեւանի «Փյունիկի» մեքսիկացի ֆուտբոլիստ Սեզար Ռոմերոյի հետ:

Պատասխան հանդիպումը տեղի կունենա հուլիսի 9-ին։ «Զրինսկիի» արգելքը հաղթահարելու դեպքում հայկական ակումբը որակավորման երկրորդ փուլում կհանդիպի ԱԻԿ (Շվեդիա) – «Վաասա» (Ֆինլանդիա) զույգի հաղթողի հետ:

Եվրոպայի լիգա

Որակավորման առաջին փուլ, առաջին հանդիպում

«Շիրակ» - «Զրինսկի» (Բոսնիա-Հերցեգովինա)՝ 2։0

Ժան-Ժակ Բուգուհի, 18, 67