Երեւանի «Փյունիկի» հարձակվող Սեզար Ռոմերոն, Չեմպիոնների լիգայի որակավորման առաջին փուլի առաջին խաղում գրավելով Սան Մարինոյի չեմպիոն «Ֆոլգորեի» դարպասը, դարձավ Եվրոպայի ամենահեղինակավոր ակումբային մրցաշարում գոլ խփած ԱՄՆ-ի քաղաքացիություն ունեցող երկրորդ ֆուտբոլիստը, գրում է mlssoccer.com-ը:
Չեմպիոնների լիգայում գոլ խփած առաջին ամերիկացին բելգիական «Անդերլեխտի» նախկին կիսապաշտպան Սաշա Կլեշտանն է, ով աչքի էր ընկել 2013-ի դեկտեմբերին:
Հիշեցնենք, որ Սեզար Ռոմերոն ունի Մեքսիկայի եւ ԱՄՆ-ի քաղաքացիություն: Հունիսի 30-ին Երեւանի «Հանրապետական» ստադիոնում կայացած խաղում Հայաստանի չեմպիոնը «Ֆոլգորեի» նկատմամբ առավելության էր հասել 2:1 հաշվով: Պատասխան հանդիպումը կկայանա հուլիսի 7-ին Սան Մարինոյում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։