Ֆուտբոլի Հոլանդիայի ազգային հավաքականի գլխավոր մարզիչ է նշանակվել Դանի Բլինդը, հաղորդում է Հոլանդիայի թագավորական ֆուտբոլային միության կայքը։
Մարզիչի պայմանագիրը երեք տարով է եւ ուժի մեջ կմտնի օգոստոսի 1-ից։ Դանի Բլինդը Հոլանդիայի հավաքականի պաշտոնանկ արված գլխավոր մարզիչ Գուս Հիդինկի օգնականն էր։
Դանի Բլինդը Հոլանդիայի հավաքականը պետք է գլխավորեր Եվրո-2016-ից հետո: Սակայն ընտրական մրցաշարի 6-րդ տուրից հետո հոլանդացիներն ունեն 10 միավոր եւ A խմբում զբաղեցնում են երրորդ տեղը: Խմբի առաջատար Իսլանդիան հավաքել է 15 միավոր, իսկ Չեխիան՝ 13:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։