Արթուր Աբրահամը հանդես կգա մինչեւ 37 տարեկան
13:07 1 հուլիսի, 2015Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը երկարաձգել է Sauerland պրոմոուտերական ընկերության հետ պայմանագիրը: Նոր համաձայնագիրը նախատեսված է մինչեւ 2017-ը, գրում է Bild-ը, որը նշում է, որ 35-ամյա բռնցքամարտիկը կարիերան կավարտի 37 տարեկանում:
«Սիրում եմ այս մարզաձեւը: Սիրում եմ նաեւ այն դժվարությունները, որոնց հանդիպում եմ մարզումներին: Ինչ վերաբերում է Շտիգլիցի դեմ մենամարտին, ապա Ռոբերտը շատ է հարվածներ կատարում, սակայն նրա հարվածներն ուժեղ չեն»,- ասել է Արթուր Աբրահամը:
Հիշեցնենք, որ Աբրահամը պատրաստվում է չեմպիոնի հավակնորդ, գերմանացի Ռոբերտ Շտիգլիցի հետ չեմպիոնական մենամարտին, որը կկայանա հուլիսի 18-ին Գերմանիայի Հալե քաղաքում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։