Ամառային տրանսֆերային պատուհանի ժամանակ Մադրիդի «Ռեալի» առաջին նորեկը կլինի «Էսպանյոլի» իսպանացի եզրային կիսապաշտպան Լուկաս Վասկեսը: Այդ մասին հայտարարել է կատալոնական ակումբի նախագահ Ժոան Կոլեն, գրում է Goal.com-ը:
Վասկեսի տեղափոխության համար Արքայական ակումբը կվճարի 1 միլիոն եվրո, սակայն «Էսպանյոլը» կպահպանի 23-ամյա ֆուտբոլիստի տրանսֆերային իրավունքի 25 տոկոսը:
Լուկաս Վասկեսը նախորդ ամռանը «Ռեալից» էր տեղափոխվել «Էսպանյոլ», սակայն մադրիդցիներն ունեն նրան վերադարձնելու հնարավորություն: Իսպանիայի ավարտված առաջնությունում նա մասնակցել է 33 խաղի եւ խփել է 3 գոլ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։