«Միկան» չի լքի Բարձրագույն խումբը

Երեւանի «Միկան» հաջորդ մրցաշրջանում կշարունակի մրցելույթը Հայաստանի Բարձրագույն խմբի առաջնությունում։

Հայաստանի ֆուտբոլի ֆեդերացիայի գործկոմի նիստի ընթացքում ՀՖՖ գործկոմի անդամ, «Միկա» ակումբի նախագահ Կառլոս Ղազարյանը հանդես է եկել հայտարարությամբ՝ հաստատելով «Միկայի» մասնակցությունը Հայաստանի Բարձրագույն խմբի 2015-2016 թթ. առաջնությանը, միաժամանակ հայտնելով, որ պաշտոնական գրությունը կներկայացվի ՀՖՖ մեկ օրվա ընթացքում:

ՀՖՖ գործկոմը ողջունել է «Միկա» ակումբի հայտարարությունը եւ որոշել է հետաձգել «ՀՀ ակումբների միջեւ 2015-2016թթ. պրոֆեսիոնալ ֆուտբոլի մրցումների անցկացման կանոնակարգի» հարցի քննարկումը մեկ օրով՝ հնարավորություն տալով «Միկային» պաշտոնական գրությունը ներկայացնել ՀՖՖ: