Չիլիում ընթացող ֆուտբոլի Ամերիկայի գավաթի 44-րդ խաղարկության եզրափակիչի առաջին ուղեգիրը նվաճեցին տանտերերը: Կիսաեզրափակիչում չիլիացիները 2:1 հաշվով հաղթեցին Պերուի հավաքականին, որը 20-րդ րոպեից խաղում էր 10 ֆուտբոլիստներով: Չիլիից դուբլի հեղինակ դարձավ իտալական «Նապոլիի» հարձակվող Էդուարդո Վարգասը, ով նաեւ ճանաչվել է հանդիպման լավագույն ֆուտբոլիստ:
Նախորդ անգամ Չիլիի հավաքականն Ամերիկայի Գավաթի եզրափակիչ դուրս եկել էր 1987-ին:
Եզրափակիչի մյուս ուղեգիրը հունիսի 30-ին կվիճարկեն մրցաշարի գործող գավաթակիր Պարագվայն ու աշխարհի փոխչեմպիոն Արգենտինայի հավաքականը: Այդ զույգում պարտվողը Պերուի հետ կպայքարի բրոնզե մեդալի համար:
Ամերիկայի Գավաթ, կիսաեզրափակիչ
Չիլի – Պերու՝ 2:1
Էդուարդո Վարգաս, 42, 64 – Գարի Մեդել, 60 (ինքնագոլ)
Հեռացում՝ Կարլոս Զամբրանո, 20 (Պերու)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։