Պետր Չեխը երկարաժամկետ պայմանագիր կնքեց «Արսենալի» հետ

20:45   29 հունիսի, 2015

Պետր Չեխը հեռացավ Լոնդոնի «Չելսիից»՝ երկարաժամկետ պայմանագիր կնքելով «Արսենալի» հետ, հաղորդում է լոնդոնյան ակումբի պաշտոնական թվիթերյան էջը:

Ոչ պաշտոնական տվյալներով, Արսեն Վենգերի գլխավորած թիմը 33-ամյա դարպասապահի համար վճարել է 11 միլիոն ֆունտ ստերլինգ: Չեխի շաբաթական աշխատավարձը կլինի 100 հազար ֆունտ ստերլինգ՝ դառնալով «Արսենալի» պատմության մեջ ամենաբարձր վարձատրվող դարպասապահը:

Պետր Չեխը 11 մրցաշրջան անցկացրեց «Չելսիում»՝ 485 հանդիպում եւ 15 տիտղոս, սակայն անցած մրցաշրջանում մեկնարկային կազմից նրան դուրս մղեց բելգիացի Տիբո Կուրտուան:

 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։