Պաշտոնական. Մուրատ Յակինը հեռանում է «Սպարտակից»
12:35 30 մայիսի, 2015Մոսկվայի «Սպարտակի» գլխավոր մարզիչ Մուրատ Յակինն այս մրցաշրջանի վերջում կհեռանա զբաղեցրած պաշտոնից: Կողմերը երկկողմ համաձայնությամբ պայմանավորվել են համագործակցությունը դադարեցնելու մասին, հաղորդում է «Սպարտակի» կայքը:
Շվեյցարիայի հավաքականի նախկին ֆուտբոլիստը 2014-ի հունիսից է գլխավորում «Սպարտակը»: Ռուսաստանի ընթացիկ առաջնության վերջին տուրից առաջ մոսկովյան ակումբը 6-րդ տեղում է եւ զրկվել է Եվրոպայի լիգայի ուղեգիր նվաճելու հնարավորությունից:
«Սպարտակի» նոր գլխավոր մարզիչի անունը հայտնի կդառնա տնօրենների խորհրդի առաջիկա նիստի ժամանակ: Թիմը գլխավորելու հիմնական թեկնածուներն են՝ Կուրբան Բերդիեւը («Ռոստով»), Դմիտրի Ալենիչեւը (Տուլայի «Արսենալ») եւ Կրասնոդարի «Կուբանի» ու բելառուսական ԲԱՏԷ-ի նախկին գլխավոր մարզիչ Վիկտոր Գոնչարենկոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։