Ռուսաստանի ֆուտբոլային միության առաջին փոխնախագահ Նիկիտա Սիմոնյանն անդրադարձել է ՖԻՖԱ-ի նախագահական ընտրություններին, որում 79-ամյա Յոզեֆ Բլատերը գերազանցեց Հորդանանի արքայազն Ալի բին Ալ-Հուսեյնին եւ 5-րդ անգամ ընտրվեց Ֆուտբոլի միջազգային ֆեդերացիայի նախագահ:
«Ես գոհ եմ: Ուրիշ ո՞ւմ կարող էի աջակցել: Ո՞վ է հայտարարել, որ ԱԱ-2018-ն անցկացվելու է Ռուսաստանում: Բլատերը միշտ բարյացակամ վերաբերմունք է ունեցել ռուսական ֆուտբոլի հանդեպ: Նա շատ բան է արել համաշխարհային ֆուտբոլի համար: Փորձի, պրոֆեսիոնալիզմի եւ դեմոկրատական մոտեցման առումով Բլատերն այս պահին հավասարը չունի ֆուտբոլի կառավարման մեջ: Երբ Բլատերն ավարտի նաեւ այս ժամկետը, բարդ կլինի ընտրել ուրիշին»,- Սիմոնյանի խոսքը մեջբերում է «ТАСС»-ը:
Հիշեցնենք, որ Ցյուրիխում մայիսի 29-ին կայացած ՖԻՖԱ-ի նախագահական ընտրությունների առաջին փուլում շվեյցարացին հավաքեց 133 ձայն, իսկ 39-ամյա Ալի բին Ալ-Հուսեյնին՝ 73, սակայն Հորդանանի արքայազնը հրաժարվեց մասնակցել քվեարկության երկրորդ փուլին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։