Բլատեր. Եթե ՖԻՖԱ-ն ԱԱ-2018-ի եւ ԱԱ-2022-ի անցկացման իրավունքները չտար Ռուսաստանին ու Քաթարին, այս խնդիրները չէին լինի
15:40 29 մայիսի, 2015ՖԻՖԱ-ի նախագահ Յոզեֆ Բլատերը կազմակերպության նախագահական ընտրություններին նվիրված խոսքում անդրադարձել է կոռուպցիոն սկանդալին:
«Խնդրանքով դիմում եմ ձեզ, օգնե՛ք ՖԻՖԱ-ին վերադարձնել ճիշտ ուղի, որպեսզի նավակը դադարի շարժվել եւ հանգիստ հասնի ափ: Այժմ մեզ համար բարդ ժամանակներ են: Վերջին իրադարձություններն ազդեցին ՖԻՖԱ-ի ու կոնգրեսի վրա: Չենք կարող թույլ տալ, որպեսզի անդրադառնան ՖԻՖԱ-ի համբավի վրա: ՖԻՖԱ-ն միայն այդ ձերբակալված պաշտոնյաները չեն:
Եթե ՖԻՖԱ-ն աշխարհի հաջորդ 2 առաջնությունների անցկացման իրավունքները չտար Ռուսաստանին ու Քաթարին, այս խնդիրները չէին լինի: Ցանկանում եմ, որ կարգապահությունն ու արդար ոգին գերիշխեին նախագահական ընտրություններում»,- Բլատերի խոսքը մեջբերում է Mirror-ը:
ՖԻՖԱ-ի նախագահական ընտրությունների արդյունքներին նվիրված ասուլիսը տեղափոխվել է մայիսի 30-ին: Ընտրություններն անցկացվում են մայիսի 29-ին Ցյուրիխում: Յոզեֆ Բլատերի միակ մրցակիցը Հորդանանի արքայազն Ալի բին Ալ-Հուսեյնն է: Ավելի վաղ ՈւԵՖԱ-ն կոչ էր արել հետաձգել ՖԻՖԱ-ի նախագահական ընտրությունները, իսկ կազմակերպության ղեկավար Միշել Պլատինին նշել էր, որ Բլատերի վերընտրվելու դեպքում ՈւԵՖԱ-ն կարող է խզել ՖԻՖԱ-ի հետ կապերը: Մայիսի 27-ին ՖԻՖԱ-ի 14 պաշտոնյաներ կոռուպցիայի կասկածանքով ձերբակալվել էին Ցյուրիխում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։