Ռուսաստանի երիտասարդական հավաքականի հարձակվող Արշակ Կորյանը պատմել է Հոլանդիայում կայացած Aegon Copa Amsterdam մրցաշարի մասին: Կորյանը «Վիտեսի» մինչեւ 19 տարեկանների թիմի կազմում խփել է 2 գոլ, իսկ հոլանդական ակումբը գրավել է երրորդ տեղը:
«Լավ մրցաշար էր, թեեւ խաղերն անցկացվում էին 2 խաղակեսով՝ 25-ական րոպե: Խաղերն անցկացվում էին Օլիմպիական ստադիոնում, որտեղ շատ երկրպագուներ կային: Ցավալի է, որ 11 մետրանոցներով պարտվեցինք «Անդերլեխտին» եւ դուրս չեկանք երզափակիչ: Ուրախ եմ խփածս 2 գոլերի համար եւ հուսով եմ, որ դա սկիզբն է: Կձգտեմ շարունակել նույն ոգով:
Օրեր առաջ եմ նոր պայմանագիր կնքել «Վիտեսի» հետ: Իմ տեղափոխությամբ զբաղվող ProsportsManagment ընկերության հետ որոշեցինք մեկ տարով երկարաձգել պայմանագիրը: Ինձ ամեն ինչ դուրս է գալիս Հոլանդիայում, իսկ ամենագլխավորն այն է, որ այստեղ ես շարունակում եմ աճել որպես ֆուտբոլիստ»,- Կորյանի խոսքը մեջբերում է Sportbox.ru-ն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։