Նիկիտա Սիմոնյանը՝ Լեոնիդ Ֆեդունի գլխավոր սխալի մասին
16:40 26 մայիսի, 2015Ռուսաստանի ֆուտբոլային միության առաջին փոխնախագահ Նիկիտա Սիմոնյանը խոսել է Մոսկվայի «Սպարտակի» նախագահի պաշտոնից հեռացած Լեոնիդ Ֆեդունի մասին:
«Ֆեդունի արած լավ բաներից էր, որ նա սեփական միջոցներից ֆինանսավորում էր ակումբը եւ կառուցեց ստադիոն: Նրա գլխավոր սխալն այն էր, որ չէր լսում «Սպարտակում» խաղացած մարդկանց խորհուրդները, որոնք ավելորդ չէին լինի:
Օրինակ՝ երբ ես չէի աշխատում «Սպարտակում», գալիս էի ակումբի մարզաբազա եւ Նիկոլայ Ստարոոստինը մոտ կես ժամ զրուցում էր ինձ հետ: Մենք խոսում էինք թիմի խաղի մասին, եւ նրա համար շատ հետաքրքիր էր իմ կարծիքը»,- Սիմոնյանի խոսքը մեջբերում է «ИТАР-ТАСС»-ը:
Հիշեցնենք, որ «Սպարտակի» նախկին ֆուտբոլիստ Նիկիտա Սիմոնյանը մոսկովյան ակումբի հոգաբարձուների խորհուրդի անդամ է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։