Անչելոտի. Այս 2 ֆանտաստիկ տարիները միշտ կմնան իմ հիշողության մեջ

10:08   26 մայիսի, 2015

Մադրիդի «Ռեալի» գլխավոր մարզիչի պաշտոնից հեռացած Կարլո Անչելոտիին շնորհակալություն է հայտնել Արքայական ակումբին եւ երկրպագուներին:

«Ռեալում» անցկացրած 2 ֆանտաստիկ տարիները միշտ կմնան իմ հիշողության մեջ: Մեծ շնորհակալություն ակումբին, երկրպագուներին ու իմ ֆուտբոլիստներին»,- թվիթերյան էջում գրել է իտալացի մասնագետը:

Հիշեցնենք, որ ավելի վաղ Անչելոտին հայտարարել էր, որ մեկ տարվա մարզչական դադար է վերցնում առողջական խնդիրների պատճառով: 55-ամյա մարզիչը 2013-ից էր գլխավորում «Ռեալը», որի հետ հաղթել է Չեմպիոնների լիգայում, ՈւԵՖԱ-ի Սուպերգավաթում, Իսպանիայի Գավաթում ու աշխարհի ակումբային առաջնությունում: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։