Արթուր Մալոյան. Իմ դեմ պայքարում կանոնները խախտեցին, դա 100 տոկոսանոց 11 մետրանոց էր
10:35 25 մայիսի, 2015Տուլայի «Արսենալի հարձակվող Արթուր Մալոյանն անդրադարձել է Մոսկվայի «Դինամոյի» դեմ Ռուսաստանի առաջնության նախավերջին տուրի խաղին, որն ավարտվել էր 2:2: հաշվով:
«Շատ բարդ խաղ էր եւ ցավալի է, որ չպահպանեցինք հաղթական հաշիվը: Գոլային պահերը շատ էին, պետք է գոլ խփեինք եւ մեծացնեինք առավելությունը: Քանի որ 2 թիմերն էլ ունեցան պահեր, երեւի արդյունքն արդարացի էր:
Չեմ ասի, որ հանդերձարանում ընկճվածություն կար: Գոհ ենք, որ պահպանում ենք Պրեմյեր լիգայում մնալու հնարավորությունը: Պետք է հաղթենք «Կուբանին», այլ տարբերակ չկա: Պետք չէ տխրել, մենք չպարտվեցինք՝ ցուցադրելով լավ խաղ: Միայն ցավալի է, որ չկարողացանք հաղթել:
Իմ դեմ պայքարում մրցակիցը խախտեց կանոնները, եւ դա 100 տոկոսանոց 11 մետրանոց էր: Հանդերձարանում դիտեցինք այդ պահը եւ համոզվեցինք դրանում, սակայն մրցավարն այլ որոշում էր կայացրել»,- Մալոյանի խոսքը մեջբերում է «Спорт-Экспресс»-ը:
Հիշեցնենք, որ «Դինամոյի» դեմ խաղում Արթուր Մալոյանը հանդես եկավ 90 րոպե:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։