«Դինամոն» չհաղթեց հետնապահին, Արթուր Մալոյանը խաղաց 90 րոպե

Ֆուտբոլի Ռուսաստանի առաջնության նախավերջին տուրում Մոսկվայի «Դինամոն» տանը 2:2 հաշվով ավարտեց Տուլայի «Արսենալի» դեմ խաղը: 26-ամյա հարձակվող Արթուր Մալոյանն «Արսենալի» մեկնարկային կազմում խաղաց առանց փոխարինման, իսկ Հայաստանի հավաքականի դարպասապահ Ռոման Բերեզովսկին չէր հայտավորվել դինամոյականների կազմում:

«Դինամոն» 49 միավորով եվրագավաթային չորրորդ տեղում է, սակայն այս տուրում մոսկովյան ակումբին կարող է շրջանցել Կազանի «Ռուբինը»: «Արսենալը» 25 միավորով հետնապահն է, բայց դեռ չի կորցրել տեղն ուժեղագույնների լիգայում պահպանելու հնարավորությունը:

Ռուսաստանի առաջնություն, 29-րդ տուր

«Դինամո» - «Արսենալ»՝ 2:2

Ալեքսեյ Իոնով, 42, Ուիլյամ Վանկեր, 76 – Եվգենի Օսիպով, 34, Անրի Խագուշ, 60

Հեռացում՝ Ալեքսանդր Բյուտներ, 58 («Դինամո»)

«Մորդովիա» - «Թերեկ»՝ 1:0

Լորենցո Էբեսիլյո, 61

Հեռացում՝ Ֆյոդոր Կուդրյաշով, 56 («Թերեկ»)

«Կրասնոդար» - «Ռոստով»՝ 2:1

Ռոման Շիրոկով, 10, Վանդերսոն, 33 – Վիտալի Դյակով, 75