Հենրիխ Մխիթարյան. Մարզիչն ու թիմակիցներս չէին դադարում հավատալ ինձ
20:45 24 մայիսի, 2015Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը Բունդեսլիգայի վերջին տուրում Բրեմենի «Վերդերի» դեմ հաղթական խաղում գոլ խփելուց ու Եվրոպայի լիգայի ուղեգիր նվաճելուց հետո պատմել է տպավորությունների մասին:
«Իրոք, այսօր շատ լավ խաղացինք, առաջին հերթին՝ Յուրգեն Կլոպի եւ Սեբաստիան Կելի համար: Այդ տեսանկյունից շատ գոհ ենք: Այս մրցաշրջանում եղավ մի հատված, որում լավ չէի խաղում, սակայն միշտ հավատում էի ինձ եւ շարունակում աշխատել: Այժմ այդ աշխատանքի արդյունքը երեւում է: Շնորհակալ եմ իմ թիմին ու մարզիչին, որոնք միշտ հավատացել են ինձ: Հուսով եմ, որ գործերը կշարունակեն ավելի լավանալ»,- Մխիթարյանի խոսքը մեջբերում է «Բորուսիայի» կայքը:
Հիշեցնենք, որ Գերմանիայի ավարտված առաջնությունում Հենրիխ Մխիթարյանը մասնակցեց 28 խաղի եւ դարձավ 3 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։