Լեւերկուզենի «Բայերի» գերմանացի կիսապաշտպան Գոնսալո Կաստրոն կարիերան կշարունակի Դորտմունդի «Բորուսիայում», հայտնում է ակումբի կայքը:
Գերմանիայի ազգային հավաքականում 5 խաղ անցկացրած 27-ամյա ֆուտբոլիստը «Բորուսիայի» հետ կկնքի 4 տարվա պայմանագիր: Գործարքի ֆինանսական կողմը չի հրապարակվում, սակայն ավելի վաղ հաղորդվում էր, որ Կաստրոյի տրանսֆերը կազմելու է 12 միլիոն եվրո:
Ընթացիկ մրցաշրջանում գերմանացին «Բայերի» կազմում մասնակցել է 32 խաղի, դարձել է 2 գոլի եւ 7 գոլային փոխանցման հեղինակ: Նա «Բայերի» ակադեմիայի սան է եւ 2004-ից է խաղում լեւերկուզենցիների գլխավոր թիմում: Բունդեսլիգայում կիսապաշտպանն անցկացրել է 286 խաղ՝ խփելով 25 գոլ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։