Սուարեսը կմասնակցի Չեմպիոնների լիգայի եւ Իսպանիայի Գավաթի եզրափակիչներին
13:22 24 մայիսի, 2015«Բարսելոնայի» ուրուգվայցի հարձակվող Լուիս Սուարեսը կկարողանա մասնակցել Թուրինի «Յուվենտուսի» դեմ Չեմպիոնների լիգայի եզրափակիչին ու Բիլբաոյի «Աթլետիկի» հետ Իսպանիայի Գավաթի եզրափակիչ խաղին: Այդ մասին հայտնել է կատալոնական ակումբի գլխավոր մարզիչ Լուիս Էնրիկեն: Ազդրի վնասվածքի պատճառով Ուրուգվայի հավաքականի առաջատարը բաց էր թողնել «Դեպորտիվոյի» դեմ Իսպանիայի առաջնության վերջին տուրի հանդիպումը:
«Սուարեսը պատրաստ չէր 100 տոկոսով, եւ մենք չցանկացանք ռիսկի դիմել: Նա պատրաստ կլինի եզրափակիչներին»,- Էնրիկեի խոսքը մեջբերում է Goal.com-ը:
Հիշեցնենք, որ «Յուվենտուսին» «Բարսելոնան» հանդիպելու է հունիսի 6-ին, իսկ «Աթլետիկի» դեմ խաղալու է մայիսի 30-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։