Ալեգրի. «Բարսելոնան» աշխարհի ուժեղագույն ակումբն է
00:56 23 մայիսի, 2015«Բարսելոնան» աշխարհի ուժեղագույն ակումբն է, բայց մենք մեզ լավ ենք զգում եզրափակիչից առաջ ասել է Թուրինի «Յուվենտուսի» գլխավոր մարզիչ Մասիմիլիանո Ալեգրին: Իսպանիայի եւ Իտալիայի չեմպիոնները կվիճարկեն Չեմպիոնների լիգայի գավաթը:
«Իմ թիմը տալիս է ինձ ֆիզիկական ու հոգեբանական երաշխիքներ, որ եզրափակիչում լավ ենք խաղալու: Մրցակիցն աշխարհի ուժեղագույն թիմն է, բայց մենք ունենք հրաշալի կազմ:
Կյելինիի եւ Սուարեսի դիմակայությունը կլինի երկու չեմպիոնների հետաքրքիր ճակատամարտ»,- Ալեգրիի խոսքը մեջբերում է corrieredellosport-ը:
Հիշեցնենք, որ 2014թ. աշխարհի առաջնության եզրափակիչ մրցաշարի խմբային փուլի խաղում Ուրուգվայի հավաքականի հարձակվող Լուիս Սուարեսը կծել էր Իտալիայի հավաքականի պաշտպան Ջորջո Կյելինիի ուսը եւ որակազրկվել չորս ամսով:
Չեմպիոնների լիգայի եզրափակիչը տեղի կունենա հունիսի 6-ին Բեռլինում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։