Անչելոտի. Ռոնալդուից ավելին պահանջել չի կարելի
00:20 23 մայիսի, 2015Ռոնալդուն արել է հնարավոր ամեն ինչ, գործադրել է առավելագույն ջանք, որպեսզի թիմը նվաճի տիտղոսներ, ասել է Մադրիդի «Ռեալի» իտալացի գլխավոր մարզիչ Կարլո Անչելոտին Իսպանիայի առաջնության վերջին տուրի հանդիպումից առաջ:
«Ռոնալդուն հասել է մի կետի, երբ մարդիկ արդեն հստակ նույնիսկ չգիտեն, թե քանի գոլ է նա խփել: Անձամբ ես, կորցրել եմ նրա գոլերի հաշիվը: Չի կարելի նրանից ավելին պահանջել»,- Անչելոտիի խոսքը մեջբերում է AS-ը:
Ռոնալդուն չորրորդ մրցաշրջանն անընդմեջ գերազանցում է 50 գոլի սահմանը: Իսպանիայի ընթացիկ առաջնությունում պորտուգալացին խփել է 45 գոլ եւ 4 գնդակով գերազանցում է ռմբարկուական մրցավազքում երկրորդ տեղում ընթացող Լիոնել Մեսիին:
«Ռեալն» Իսպանիայի առաջնությունը կավարտի երկրորդ տեղում: Թիմը դուրս է մնացել Չեմպիոնների լիգայից եւ Իսպանիայի գավաթի խաղարկությունից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։