Ինձ ոչ ոք ոչինչ չի ասել իմ պաշտոնանկության մասին եւ դեռ «Ռեալի» գլխավոր մարզիչն եմ, ասել է իտալացի մասնագետ Կարլո Անչելոտին:
«Առաջնության վերջին հանդիպումից հետո կզրուցենք: Ես միշտ լավ հարաբերություններ եմ ունեցել ակումբի նախագահ Ֆլորենտինո Պերեսի հետ, վերջին ամիսներին ոչինչ չի փոխվել: Եթե հեռացվեմ, մեր հարաբերությունները չեն փոխվի: Ես կհիշեմ «Ռեալում» անցկացրած երկու հրաշալի մրցաշրջանների մասին»,- Անչելոտիի խոսքը մեջբերում է AS-ը:
Հիշեցնենք, որ «Ռեալն» այս մրցաշրջանում կբավարարվի Իսպանիայի փոխչեմպիոնի եւ աշխարհի ակումբային չեմպիոնի կոչումներով: Ակումբի ղեկավարությունն ու երկրպագուները մրցաշրջանը համարում են ձախողված:
Իսպանիայի առաջնության վերջին տուրում «Ռեալը» մայիսի 23-ին կընդունի «Խետաֆեին»: Հանդիպումը կմեկնարկի Երեւանի ժամանակով 22:30-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։