Անգլիայի թիմի նախկին աստղը անօրինական գաղտնալսվելու համար կստանա 188 հազար ֆունտ

10:14   22 մայիսի, 2015

Անգլիայի հավաքականի նախկին ֆուտբոլիստ Փոլ Գասկոյնը 188 հազար ֆունտ ստերլինգի փոխհատուցում կստանա Mirror Group Newspapers-ից՝ հեռախոսազրույցների անօրինական գաղտնալսման գործով, հաղորդում է BBC-ն:

Հետաքննության տվյալներով, Mirror Group-ը տասը տարի անօրինական հետեւել է Գասկոյնի եւ այլ հայտնի բրիտանացիների ձայնային փոստին՝ բացառիկ տեղեկություններ ստանալու եւ Mirror, Sunday Mirror եւ People պարբերականներում հրապարակելու նպատակով:

Mirror Group-ը բոլոր տուժածներին կվճարի ընդհանուր առմամբ 1.2 միլիոն ֆունտ ստերլինգ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։