Marca-ի ընթերցողների մեծ մասը «Ռեալի» մարզիչի պաշտոնում նախընտրում է Կլոպին
00:43 22 մայիսի, 2015Իսպանական Marca պարբերականի հարցման մասնակիցների մեծ մասը ցանկություն է հայտնել Մադրիդի «Ռեալի» գլխավոր մարզիչի պաշտոնում տեսնել գերմանացի Յուրգեն Կլոպին:
Հարցմանը մասնակցել է ավելի քան 30 հազար մարդ: Նրանց 44 տոկոսը քվեարկել է Դորտմունդի «Բորուսիայից» հեռացող մասնագետի օգտին:
Երկրորդ տեղում է «Ռեալի» նախկին ֆուտբոլիստ Միչելը, որը հավաքել է 14.7 տոկոս: 52-ամյա Միչելը մարզչական կարիերան սկսել է 2005-ին եւ գլխավորել է «Ռայո Վալյեկանոն», «Ռեալի» երկրորդ թիմը, «Խետաֆեն», «Սեւիլիան» եւ հունական «Օլիմպիակոսը»:
«Սեւիլիայի» գլխավոր մարզիչ Ունաի Էմերին ստացել է 10.8 տոկոս, Գերմանիայի հավաքականի գլխավոր մարզիչ Յոահիմ Լյովը՝ 9 տոկոս, Ռաֆայել Բենիտեսը՝ 8.9 տոկոս, Զինեդին Զիդանը՝ 7.4 տոկոս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։