Ֆիգու. Ոմանք Բլատերին համարում են սատանա, սակայն բեմում նրան համեմատում են Քրիստոսի հետ
23:40 21 մայիսի, 2015«Բարսելոնայի», «Ռեալի» եւ Պորտուգալիայի հավաքականի նախկին ֆուտբոլիստ Լուիշ Ֆիգուն մեկնաբանել է ՖԻՖԱ-ի նախագահի պաշտոնի համար ընտրապայքարից հրաժարվելու որոշումը:
«Չեմ մասնակցի մի բանի, որը կոչվում է ՖԻՖԱ-ի նախագահական ընտրություններ: Երկար դիտարկումներից եւ այլ թեկնածուների հետ զրույցներից հետո հասկացա, որ առաջիկա ընտրությունները չեն կարող նորմալ անցնել: Նպատակահարմար չեմ համարում մասնակցել դրան: Թեկնածուներից որեւէ մեկը նույնիսկ ծրագիր չի ներկայացրել, չի եղել ոչ մի հանրային քննարկում: Այս գործընթացը կհանգեցնի մեկ մարդու բացարձակ իշխանության: Ֆուտբոլը հաղթող դուրս չի գա: Ես տեսել եմ ազգային ֆեդերացիաների նախագահների, որոնք ՖԻՖԱ-ի նախագահին համեմատել են սատանայի հետ, սակայն բեմում նրան համեմատում են Քրիստոսի հետ»,- գրել է Ֆիգուն Ֆեյսբուքում:
Ավելի վաղ թեկնածությունը հանելու մասին հայտարարել էր նաեւ Հոլանդիայի ֆուտբոլային միության նախագահ Միխայել վան Պրագը՝ աջակցություն հայտնելով ՖԻՖԱ-ի փոխնախագահ, Հորդանանի արքայազն Ալի Ալ Հուսեյնին, որը կազմակերպության նախագահ Յոզեֆ Բլատերի միակ մրցակիցն է:
ՖԻՖԱ-ի նախագահի ընրությունը տեղի կունենա մայիսի 29-ին Ցյուրիխում: 79-ամյա Բլատերը հավակնում է պաշտոնավարման 5-րդ ժամկետին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։