Մոսկվայի «Սպարտակի» նախագահը հեռանում է
17:07 21 մայիսի, 2015Մոսկվայի «Սպարտակի» սեփականատեր, տնօրենների խորհրդի նախագահ Լեոնիդ Ֆեդունը հայտարարել է ակումբի կառավարումը պրոֆեսիոնալներին հանձնելու մասին:
«Ավարտվում է Ռուսաստանի 10-րդ առաջնությունը, ինչ գլխավորում եմ «Սպարտակի» տնօրենների խորհուրդը: Այս ընթացքում հաջողվել է ստեղծել ժողովրդական թիմի համար ամուր նյութական հիմք: Մենք ունենք երկրի լավագույն ստադիոնը: Մեր ակադեմիան օրինակելի է ամբողջ Արեւելյան Եվրոպայում: Ակումբն ունի ամուր ֆինանսական բազա:
Այս ընթացքում «Սպարտակը» հինգ անգամ դարձել է Ռուսաստանի փոխչեմպիոն, պարբերաբար հանդես է եկել Չեմպիոնների լիգայում եւ Եվրոպայի լիգայում: Սակայն այս արդյունքները չեն կարող բավարար համարվել երկրի ամենատիտղոսակիր ակումբի երկրպագուների համար: Հասկանում եմ, որ եկել է լիազորությունները պրոֆեսիոնալներին փոխանցելու ժամանակը: Գուցե, նրանք ավելի հաջողակ են եւ կոմպետենտ եւ ժողովրդական ակումբը կհասցնեն նոր տիտղոսների»,- ասվում է «Սպարտակի» պաշտոնական կայքում Ֆեդունի անունից հրապարակված ուղերձում:
Ակումբի ղեկավարման կառուցվածքում փոփոխությունների մասին լրացուցիչ մանրամասներ դեռ չկան:
Ֆեդունը «ԼՈւԿՕՅԼ» նավթային ընկերության փոխնախագահն է, անձնական կարողությունը գնահատվում է մոտ 7 միլիարդ դոլար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։