Ռոնալդուն մեջքի ցավեր է ունեցել նախախաղային մարզման ժամանակ
12:09 5 մայիսի, 2015Մադրիդի «Ռեալի» առաջատար Կրիշտիանու Ռոնալդուն մեջքի ցավեր է ունեցել Թուրինի «Յուվենտուսի» դեմ Չեմպիոնների լիգայի կիսաեզրափակիչի առաջին հանդիպման նախախաղային մարզման ժամանակ, հաղորդում է Marca-ն:
Պորտուգալացի հարձակվողը նախ ցավերի մասին պատմել է իր հայրենակից Ֆաբիո Կոենտրաուին, իսկ հետո դիմել է նաեւ թիմի բժշկին, ով նրան զննել է խաղադաշտում: Դրանից հետո Ռոնալդուն մեջքի մի քանի վարժություններ է կատարել խոտածածկի վրա: Ֆուտբոլիստի ցավերը վախեցրել են Արքայական ակումբի մարզչական շտաբին, սակայն նա կկարողանա մասնակցել Իտալիայի չեմպիոնի դեմ խաղին:
Հիշեցնենք, որ «Յուվենտուսի» եւ «Ռեալի» միջեւ կիսաեզրափակիչի առաջին խաղը կկայանա մայիսի 5-ին Թուրինում: Արքայական ակումբին չեն օգնելու թիմի առաջատարներից Լուկա Մոդրիչն ու Քարիմ Բենզեման:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։