«Բավարիան» պարտվեց Լեւերկուզենում

Ֆուտբոլի Գերմանիայի առաջնության 31-րդ տուրում չեմպիոնի տիտղոսն ապահոված Մյունխենի «Բավարիան» Լեւերկուզենում 0:2 հաշվով պարտվեց «Բայերին»: Խոսեպ Գվարդիոլայի թիմը հանդես չեկավ ուժեղագույն կազմով, իսկ տանտերերը 2 գոլերն էլ խփեցին երկրորդ խաղակեսում, որում աչքի ընկան թուրք կիսապաշտպան Հական Չալհանօղլուն եւ գերմանացի Յուլիան Բրանդտը: Այս հաղթանակից հետո «Բայերը» 58 միավորով բարձրացավ երրորդ տեղ:

Հիշեցնենք, որ «Բավարիան» Գերմանիայի 25-րդ չեմպիոնական տիտղոսն ապահովել էր նախորդ տուրում, իսկ մայիսի 6-ին Չեմպիոնների լիգայի կիսաեզրափակիչի առաջին խաղ է անցկացնելու կատալոնական «Բարսելոնայի» հետ:

Գերմանիայի առաջնություն, 31-րդ տուր

«Բայեր» - «Բավարիա»՝ 2:0

Հական Չալհանօղլու, 55, Յուլիան Բրանդտ, 81