Daily Mail. Վան Գալը պետք է ուշադրություն դարձնի Հենրիխ Մխիթարյանին
15:12 28 ապրիլի, 2015Հենրիխ Մխիթարյանը Խուան Մատայի ավելի լավ տարբերակն է, գրում է բրիտանական Daily Mail-ը, որն անդրադարձել է Հայաստանի հավաքականի 26-ամյա կիսապաշտպանին: Բրիտանական կայքը «Մանչեսթեր Յունայթեդի» գլխավոր մարզիչ Լուի վան Գալին խորհուրդ է տվել ուշադրություն դարձնել Դորտմունդի «Բորուսիայի» ֆուտբոլիստներ Հենրիխ Մխիթարյանին, Իլկայ Գյունդոգանին եւ Սվեն Բենդերին:
«Եթե Վան Գալը կենտրոնացել է «Բորուսիայի» կիսապաշտպանների վրա, ապա նա անպայման պետք է ուշադրություն դարձնի Հայաստանի լավագույն ֆուտբոլիստ Հենրիխ Մխիթարյանին: Դա հիանալի փլեյմեյքեր է, ով գնդակ է ստանում խաղադաշտի ցանկացած հատվածում եւ թիմակիցներին լավ փոխանցումներ կատարելուց բացի, կարող է նաեւ գոլ խփել: Ստեղծագործ հայ կիսապաշտպանը նախկինում մոտ է եղել Պրեմյեր լիգա տեղափոխվելուն: Մխիթարյանը Խուան Մատայի ավելի լավ տարբերակն է»,- գրում է կայքը:
Հիշեցնենք, որ մինչեւ Գերմանիա տեղափոխվելը Հենրիխ Մխիթարյանի ծառայություններով հետաքրքրվում էին նաեւ անգլիական «Տոտենհեմն» ու «Լիվերպուլը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։