«Վոլգայի» հայ ֆուտբոլիստները հանդես են եկել սգո թեւկապով

15:22   26 ապրիլի, 2015

Նիժնի Նովգրոդի «Վոլգայի» հայ ֆուտբոլիստներ Արթուր Սարկիսովն ու Արթուր Մինոսյանը «Խիմկիի» դեմ Ռուսաստանի Առաջին դիվիզիոնի 29-րդ տուրի խաղում հանդես են եկել սգո թեւկապներով՝ ի հիշատակ Հայոց ցեղասպանության զոհերի: Այդ մասին հայտարարել է «Վոլգայի» հարձակվող Իլյա Կոուխարչուկը, ով Հայաստանի հավաքականի հարձակվող Արթուր Սարկիսովից գոլային փոխանցում էր ստացել այդ խաղում:

«Այսօր մեր հայ ընկերները հանդես եկան սգո թեւկապներով՝ ի հիշատակ Հայոց ցեղասպանության զոհերի: Մենք եւս միանում ենք՝ սգալով նրանց հետ»,- Կոուխարչուկի խոսքը մեջբերում է «Վոլգայի» կայքը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։