Իսպանական Պրիմերայի 33-րդ տուրում առաջատար «Բարսելոնան» կատալոնական դերբիում 2:0 հաշվով արտագնա հաղթանակ տարավ «Էսպանյոլի» նկատմամբ:
Առաջին խաղակեսում Լուիս Էնրիկեի թիմը շանս չտվեց մրցակցին եւ խփեց 2 անպատասխան գոլ: Հաշիվը 17-րդ րոպեին բացեց բրազիլացի Նեյմարը, իսկ քիչ անց աչքի ընկավ արգենտինացի Լիոնել Մեսին, ով Իսպանիայի ընթացիկ առաջնությունում իր գոլերի քանակը հասցրեց 36-ի եւ արդեն 3 գոլ է զիջում ռմբարկուների ցուցակը գլխավորող Կրիշտիանու Ռոնալդուին: Երկրորդ խաղակեսի սկզբնամասում կարմիր քարտ ստացավ «Բարսելոնայի» իսպանացի պաշտպան Խորդի Ալբան, սակայն դա հյուրերին չխանգարեց պահպանել հաղթական հաշիվը:
Կատալոնական դերբիին մանսակցեց նաեւ «Բարսելոնայի» 35-ամյա կիսապաշտպան Չավին, ով 500-րդ խաղն անցկացրեց Պրիմերայում:
Կատալոնական ակումբը 5 միավոր գերազանցում է երկրորդ տեղում գտնվող Մադրիդի «Ռեալին», որը մեկ խաղ պակաս է անցկացրել:
Իսպանիայի առաջնություն, 33-րդ տուր
«Էսպանյոլ» - «Բարսելոնա»՝ 0:2
Նեյմար, 17, Լիոնել Մեսի, 25
Հեռացումներ՝ Հեկտոր Մորենո, 90+1 («Էսպանյոլ») - Խորդի Ալբա, 52 («Բարսելոնա»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։