Ծաղկաձորում ընթացող շախմատի աշխարհի թիմային առաջնության 6-րդ տուրում Հայաստանի հավաքականը ոչ ոքի ավարտեց հունգարացիների դեմ մրցամարտը:
Հայաստանի թիմի առաջին համար Լեւոն Արոնյանը սպիտակներով հաղթեց Վիկտոր Էրդոսին, սակայն չորրորդ խաղատախտակների վրա հանդես եկող Հրանտ Մելքումյանը սեւերով պարտվեց Բալոժ Չաբային: Գաբրիել Սարգսյանը ոչ ոքի խաղաց Զոլթան Ալմաշիի հետ, իսկ Վլադիմիր Հակոբյանը խաղաղությամբ բաժանվեց Ռիչարդ Ռապորտի հետ:
6-րդ տուրից հետո առաջատարներն են 10-ական միավոր հավաքած Ուկրաինան ու Չինաստանը, որոնք տարան հերթական հաղթանակները: Հայաստանի հավաքականն ունի թիմային 5 միավոր, իսկ ապրիլի 26-ին կայանալիք 7-րդ տուրում կմրցի ռուսների հետ:
Աշխարհի առաջնություն, 6-րդ տուր
Հայաստան - Հունգարիա՝ 2:2
Ուկրաինա - Կուբա՝ 2.5:1.5
Հնդկաստան - Ռուսաստան՝ 1.5:2.5
Իսրայել - Չինաստան՝ 1.5:2.5
Եգիպտոս - ԱՄՆ՝ 1:3
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։