«Չելսին» կադրային կորուստների պատճառով մրցաշրջանի վերջնամասում չի ցուցադրում դիտարժան ֆուտբոլ, ասել է լոնդոնյան ակումբի պորտուգալացի գլխավոր մարզիչ Ժոզե Մոուրինյոն:
«Մրցաշրջանի զգալի հատվածում մենք գերազանց ենք խաղացել, շատ գոլեր ենք խփել եւ հրաշալի վերահսկել ենք հանդիպումների ընթացքը: Վերջին շրջանում մենք ավելի շատ ուշադրություն ենք դարձնում մարտավարությանը, քիչ ուշադրություն՝ ստեղծագործելուն: Դա կադրային կորուստների հետեւանք է: Դիեգո Կոստան վնասվածք ստացավ, Նեմանյա Մատիչը որակազրկված էր, Սեսկ Ֆաբրեգասը նույնպես հանդիպումներ բաց թողեց, հետո նորից վնասվածք ստացավ Կոստան: Երբ նավդ բաց ծովում կործանվում է, ստիպված ես բավարարվել նավակով, քանի որ անհրաժեշտ է գոյատեւել»,- Մոուրինյոյի խոսքը մեջբերում է dailymail-ը:
Անգլիայի առաջնության 34-րդ տուրում մրցաշարային աղյուսակը գլխավորող «Չելսին» կհյուրընկալվի երկրորդ տեղում ընթացող «Արսենալին»: Թիմերի բաժանում է 10 միավոր: Հանդիպումը տեղի կունենա ապրիլի 26-ին եւ կմեկնարկի Երեւանի ժամանակով 19:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։