Ֆուտբոլի Չեմպիոնների լիգայի կիսաեզրափակիչի ուղեգիր նվաճած «Բարսելոնայի» տասը ֆուտբոլիստներ անցել են դոպինգ ստուգում։ Նախաձեռնությունը ՈւԵՖԱ-ինն է։ Արյուն են հանձնել դարպասապահ Մարկ-Անդրե Տեր Շտեգենը, Ժերար Պիկեն, Իվան Ռակիտիչը, Սերխի Բուսկետսը, Չավին, Անդրես Ինյեստան, Դանի Ալվեսը, Ժորդի Ալբան, Լուիս Սուարեսը եւ Լիոնել Մեսին, հաղորդում է AS-ը։
Հիշեցնենք, որ ապրիլի 24-ին Շվեյցարիայի Նյոն քաղաքում կայացած վիճակահանությամբ, «Բարսելոնան» եզրափակիչի ուղեգրի համար կմրցի Մյունխենի «Բավարիայի» հետ, որը գլխավորում է կատալոնական թիմի նախկին գլխավոր մարզիչ Խոսեպ Գվարդիոլան։
Կիսաեզրափակիչի մյուս զույգը կազմել են Մադրիդի «Ռեալն» ու Թուրինի «Յուվենտուսը»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։