Ֆուտբոլի Չեմպիոնների լիգայի կիսաեզրափակիչում կատալոնական «Բարսելոնան» կխաղա Մյունխենի «Բավարիայի» հետ, իսկ մրցաշարի գործող գավաթակիր Մադրիդի «Ռեալը» կհանդիպի Թուրինի «Յուվենտուսին»:
Շվեյցարական Նյոնում կայացած վիճակահանության արդյունքում կատալոնացիներն ու թուրինցիները կիսաեզրափակիչի առաջին խաղերը կանցկացնեն տանը:
Չեմպիոնների լիգայի կիսաեզրափակիչի առաջին հանդիպումները տեղի կունենան մայիսի 5-ին եւ 6-ին, իսկ պատասխանները՝ մայիսի 12-ին եւ 13-ին: Բեռլինում հունիսի 6-ին կայանալիք եզրափակիչում դաշտի տեր կհամարվի «Յուվենտուս» - «Ռեալ» զույգի հաղթողը:
Չեմպիոնների լիգա, կիսաեզրափակիչ
«Բարսելոնա» (Իսպանիա) - «Բավարիա» (Գերմանիա) (մայիսի 6-ին եւ 12-ին)
«Յուվենտուս» (Իտալիա) - «Ռեալ» (Իսպանիա) (մայիսի 5-ին եւ 13-ին)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։