«Մանչեսթեր Յունայթեդը» 30 միլիոն եվրոյի առաջարկ է արել Դորտմունդի «Բորուսիային»
19:04 22 ապրիլի, 2015«Մանչեսթեր Յունայթեդը» Գերմանիայի հավաքականի պաշտպան Մատս Հումելսի տրանսֆերի համար 30 միլիոն եվրոյի առաջարկ է արել Դորտմունդի «Բորուսիային», հաղորդում է Bild-ը։
26-ամյա պաշտպանը պատրաստ է քննարկել առաջարկը։ Ֆուտբոլիստին գնելու նախաձեռնությունն անգլիական ակումբի հոլանդացի գլխավոր մարզիչ Լուի վան Գալինն է։
Ամռանը «Բորուսիայից» Յուրգեն Կլոպի հեռանալուց հետո մեծ է հավանականությունը, որ Մատս Հումելսը չի ցանկանա մնալ ակումբում։ «Բորուսիան» հույս ունի Հումելսի տրանսֆերից ստանալ 40 միլիոն եվրո։
2008 թվականին «Բորուսիան» Հումելսին վարձակալությամբ էր վերցրել Մյունխենի «Բավարիայից», հետո գնել նրա տրանսֆերը 4,2 միլիոն եվրոյով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։