Չեմպիոնների լիգա. Բեյլը եւս չի խաղա «Աթլետիկոյի» դեմ

16:05   20 ապրիլի, 2015

Մադրիդի «Ռեալի» կիսապաշտպան Գարեթ Բեյլը չի մասնակցի «Աթլետիկոյի» դեմ Չեմպիոնների լիգայի քառորդ եզրափակիչի պատասխան խաղին, որը կկայանա ապրիլի 22-ին:

Ուելսի հավաքականի ֆուտբոլիստը մկանային վնասվածք էր ստացել «Մալագայի» դեմ Պրիմերայի 32-րդ տուրի խաղում՝ փոխարինվելով 5-րդ րոպեին: Նրա ապաքինման համար կպահանջվի 2-3 շաբաթ:

Հիշեցնենք, որ «Մալագայի» դեմ խաղում վնասվածք էր ստացել նաեւ Արքայական ակումբի խորվաթ կիսապաշտպան Լուկա Մոդրիչը, ով խաղադաշտից բացակայելու է մոտ 6 շաբաթ: «Աթլետիկոյի» դեմ դիմակայության առաջին խաղում գրանցվել է 0:0 հաշիվը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։