Դավիդ Սիլվան դուրս է գրվել հիվանդանոցից

13:17   20 ապրիլի, 2015

«Վեստ Հեմի» դեմ անգլիական Պրեմյեր լիգայի 33-րդ տուրի խաղում վնասվածք ստացած Դավիդ Սիլվան դուրս է գրվել հիվանդանոցից:

«Մանչեսթեր Սիթիի» եւ Իսպանիայի հավաքականի կիսապաշտպանն ապրիլի 19-ին կայացած խաղը չէր կարողացել շարունակել հյուրերի սենեգալցի ֆուտբոլիստ Շեյկ Կույատեից արմունկով հարված ստանալուց հետո: Բժիշկները մոտ 8 րոպե խաղադաշտում օգնություն էին ցուցաբերել Սիլվային, ով դաշտը լքել էր թթվածնային դիմակով ու պատգարակով:

Իսպանացի կիսապաշտպանը թվիթերյան էջում հայտնել է, որ արդեն տանն է եւ լավ է զգում իրեն: Բժիշկները նրա մոտ կասկածում էին ծնոտի կոտրվածք, փոխանցում է Daily Mail-ը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։