ԲՄԱ-ն պատմության մեջ առաջին անգամ նվաճեց Գագարինի գավաթը

00:20   20 ապրիլի, 2015

Սանկտ Պետերբուրգի ԲՄԱ-ն պատմության մեջ առաջին անգամ նվաճեց Հոկեյի մայրցամաքային լիգայի չեմպիոնի տիտղոսը:

Գագարինի Գավաթի եզրափակիչ շարքի 5-րդ խաղում պետերբուրգցիները 6:1 հաշվով վստահ հաղթանակ տարան «Ակ Բարսի» նկատմամբ: Դա ԲՄԱ-ի չորրորդ հաղթանակն էր եզրափակիչ շարքում: Փլեյ-օֆֆի ամենաարժեքավոր հոկեյիստ ճանաչվեց ԲՄԱ-ի ավագ Իլյա Կովալչուկը, ով 22 հանդիպումներում իր հաշվին գրանցել է 19 (8+11) միավոր, իսկ եզրափակիչի վերջին խաղում դարձավ դուբլի հեղինակ: 

Հիշեցնենք, որ նախորդ տարի Գագարինի Գավաթում հաղթել էր Մագնիտագորսկի «Մետալուրգը»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։