Ֆուտբոլի Հայաստանի Բարձրագույն խմբի 22-րդ տուրի կենտրոնական խաղում առաջատար «Փյունիկը» Երեւանի Հանրապետական ստադիոնում 1:2 հաշվով պարտվեց երկրորդ տեղում գտնվող «Ուլիսին», որին արդեն գերազանցում է 4 միավոր: «Փյունիկի» մեքսիկացի հարձակվող Սեզար Ռոմերոն խփեց հերթական գոլը եւ 19 գնդակով գլխավորում է Հայաստանի առաջնության ռմբարկուների ցուցակը: Նախորդ 4 խաղերում «Ուլիսը» վաստակել էր ընդամենը 1 միավոր՝ կրելով 3 անընդմեջ պարտություն:
Հետնապահ «Արարատն» անցկացրեց հերթական անհաջող խաղը՝ Երեւանի «Հրազդան» ստադիոնում նվազագույն հաշվով պարտվելով «Ալաշկերտին»:
Խաղերից առաջ թիմերը լռության րոպեով հարգեցին լեգենդար ֆուտբոլիստ եւ մարզիչ Հարություն Քեհեյանի հիշատակը:
Հայաստանի առաջնություն, 22-րդ տուր
«Ուլիս» - «Փյունիկ»՝ 2:1
Կոնստանտին Մորոզով, 12, Իրակլի Գեպերիձե, 63 – Սերզար Ռոմերո, 30
«Արարատ» - «Ալաշկերտ»՝ 0:1
Դուշան Մլադենովիչ, 56
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։