Ֆուտբոլի Ռուսաստանի առաջնության 24-րդ տուրում Մոսկվայի «Սպարտակը» Սարանսկում 3:1 հաշվով առավելության հասավ «Մորդովիայի» նկատմամբ:
Հայաստանի հավաքականի հարձակվող Յուրա Մովսիսյանը հյուրերի պահեստայինների թվում էր եւ, դուրս գալով փոխարինման, գոլի հեղինակ դարձավ ավելացված ժամանակում:
Առաջին խաղակեսն ավարտվեց 0:0 հաշվով, իսկ 48-րդ րոպեին հոլանդացի կիսապաշտպան Կվինսի Պրոմեսը բացեց հաշիվն՝ առաջ մղելով «Սպարտակին»: 73-րդ րոպեին Մովսիսյանը դուրս եկավ փոխարինման, իսկ 5 րոպե անց Պրոմեսը դարձավ նաեւ դուբլի հեղինակ: 86-րդ րոպեին հայ հարձակվողը ստացավ դեղին քարտ, իսկ ավելացված ժամանակում գրավեց դատարկ դարպասը՝ վերջակետ դնելով խաղին: Դա Յուրա Մովսիսյանի երկրորդ գոլն էր Ռուսաստանի ընթացիկ առաջնությունում, որում նա մասնակցել է 13 խաղի:
Ծնկի ծանր վնասվածքից վերականգնվող Արաս Օզբիլիսը դեռ չի հայտավորվում մոսկովյան ակումբի կազմում: Նախորդ 3 խաղերում մեկ միավոր հավաքած «Սպարտակն» այս հաղթանակից հետո շրջանցեց «Լոկոմոտիվին» եւ 39 միավորով բարձրացավ 6-րդ տեղ:
Ռուսաստանի առաջնություն, 24-րդ տուր
«Մորդովիա» - «Սպարտակ»՝ 1:3
Ումար Նյասե, 90+1 – Կվինսի Պրոմես, 48, 78, Յուրա Մովսիսյան, 90+3
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։